Kultur Femme
"Kultur Femme" Euskal Herriko kultura-industriarekin zerikusia duten emakumeak ikusaraztea, kontzientziatzea eta hurbilagotik ezagutzea helburu duen kultura-mugimendua da.
Arte eta kultura-jarduera ugariren bidez, elkarrizketarako eta lankidetzarako espazioak sortu nahi ditugu, kultura jakintzagai ezberdinetako emakumeek beren esperientziak eta ezagutzak partekatu ahal izan ditzaten.
Elkarrizketak, tailerrak, hitzaldiak, aurkezpenak, kontzertuak eta afterwork-ak dira proiektu honen indargunea. Horien helburua kultura-industrian inklusioa eta aniztasuna sustatzea da, bai eta musikan, literaturan, dantzan, arte eszenikoetan eta beste kultura- diziplina batzuetan sortzen ari diren eta erreferente diren emakumeen talentua ezagutaraztea ere.
"Kultur Femme" programaren bidez, Euskal Herriko kultura eta arteak hazten eta garatzen lagundu nahi dugu, genero-arrakalaren aurkako eta kultura-industriaren eremu guztietako inklusioaren errebindikazio-asmo argiarekin.
Horretarako, gune seguruak eta erosoak sortzera bideratzen gara, Euskal Herriko adin eta kultura-arlo guztietako emakumeek beren esperientziak, ideiak eta proiektuak partekatu ahal izan ditzaten, haien arteko harremana eta lankidetza sustatuz.
Programa hau "Kultur Ideia Elkartea"-k eta Ladyred Producciones enpresak diseinatu dute, proiektu guztietan kalitatea eta genero-berdintasuna nortasun-zigiluak izanda
Zergatik Kultur Femme?
Emakumeak gehiengoa direlako kultura-sektorearekin lotutako unibertsitate-karreretan eta masterretan eta hala ere, gutxiengoa baitira postu garrantzitsuetan kulturan profesionalki aritzea lortzen dutenak.
Kulturaren beste esparru batzuetan arrakasta izan duten emakumeak ezagutu nahi ditugu, elkarrizketa gisa batzeko eta beraien esperientzia etorkizuneko belaunaldientzako ispilu eta ikaskuntza gisa izan dadin.
Eta inportanteena, ondoren erantsiko ditugun enuntziatuek eztabaida sortu eta inflexio- puntua izan dezaten, baina batez ere neurriak hartzeko:
"Kultura-industriako emakumeek gizonek baino 20% gutxiago irabazten dute"
"SGAE fundazioaren txosten batek datu suntsigarriak eman ditu emakumeek ikus- entzunezkoetan, arte eszenikoetan eta musikan duten garrantziari buruz"
"Generoen arteko langabezia-tasa bikoiztu egiten da kultura-sektorean eta emakumeen 19,5% “
ez-aktiboak" dira, gizonen 9,3%-ren alde"
"Kultura-sektorearen emakumeen presentzia baxua ez dator bat haien prestakuntza akademikoarekin. Arte-irakaskuntzetako matrikulazioak nabarmentzen du ikasleen 56%
emakumeak direla, gizonezkoen 43,9%-ren alde”
Gure Baloreak
Hedapena eta komunikazioa
Aniztasuna
Genero berdintasuna
Euskara/Gaztelania
Belaunaldien arteko harremana
"Kultur proposamenak"
Diseinatzen ditugun kultur proposamenak udalerri bakoitzerako pertsonalizatuak izango dira, eta KM zeroko pertsona ospetsuak, artistak eta talentuak izango ditugu, baita nazioan/nazioartean ibilbide nabarmena eta garrantzi handia duten gonbidatuak ere.
Musika, literatura, erakusketak, elkarrizketak, moda, filmen emanaldiak, tailerrak, askotariko ekitaldiak (kontzertuak, poema-liburuak, arte-aurkezpenak) eta askoz jarduera gehiagok bultzatuko dute mugimendu hau.
Gure "Kultur Femme" mugimendua
